မြိုခမိစာပေခရီး ၁

ရတနာမြေ (ဖါးကန့်) သို့ စာပေခရီး          

စာပေကော်မတီမှ ရတနာမြေ (ဖါးကန့်) သို့ ခရီးစဉ်ရေးဆွဲပြီး ဖြစ်သော်လည်း ယခုမှပဲ ထွက်ဖြစ်ခဲ့ကြသည်။ ရတနာမြေသို့ ရည်ရွယ်ချက် (နှစ်) ရပ်ရှိသည်။

၁။ မြိုခမိစာပေ ရေရှည်လုပ်ငန်းအတွက် ‘ပဒေသာပင်’ (Foundation) တစ်ခုပေါ်လာရေးနှင့်

၂။ မြိုခမိစာပေနှင့်ယဉ်ကျေးမှုလုပ်ငန်းသုံး ‘ကွန်ပျူတာ’ တစ်လုံးရရှိရေးတို့ ဖြစ်ကြသည်။

          ဖါးကန့်သို့ရန်ကုန်မှ (၁၆.၂.၂၀၁၁) နေ့ထွက်လာကြရာ (၁၈.၂.၂၀၁၁) နေ့ နံနက် ၁၁ နာရီတွင်ရောက်သွားကြသည်။

ညမှောင်မှောင်တွင် ချစ်သူကို ရှာကြသည်

           

         ပကတိသဘောမှာ ‘ဥရုချောင်း’ ရေက ကြည်လင်အေးမြစွာ စီးဆင်းနေရမည်ပါ။ ငါ့ဝမ်းပူဆာမနေသာသော လူများရဲ့ မွှေနှောက်မှုကြောင့် ‘ဥရုချောင်း’ ရေက မိုးတွင်းအညာရေကဲ့သို့ နှောက်ကျိပတ်ချာလည်နေရ၏။ တစ်ခါတစ်ရံသော်မှလည်း အေးမြကြည်လင်ခွင့် မရခဲ့ရှာပါ။ ထိုထက်မက လောဘကြီးသော ကုမ္ပဏီကြီးများက ချောင်းကြောင်းကို ဖီဆန်ပိတ်ဆို့ထားမှုကြောင့် ပုံမှန်မစီးဆင်းရဘဲ တွေ့ကရာမှ ဖေါက်ထွင်းလာရသည်။

          ထို့ကြောင့်များလားမသိ ဥရုချောင်းက ‘သည်းခံခြင်း’ အတိုင်းအတာတစ်ခုကို ကျော်လွန်ပြီး အချိန်အခါမဟုတ် ဒေါဟုန်ပြင်းထန်လေသောအခါ အပြစ်မဲ့ ဆင်းရဲသားများ အိုးမဲ့အိမ်မဲ့ဖြစ်ကာ သေကြေပျက်စီးခဲ့ရသည်ဟု ဆို၏။

          ကြည့်လိုက်စမ်း ရေမဆေးရှာသမားများဟု ဆိုကြ၏။  ဘေးအိတ်ကိုယ်စီ၊ ခေါက်တံကိုယ်စီနှင့် မြေစာပုံများတွင် ဟိုမှသည်မှ ပျားပန်းခတ်မျှ ခေါက်တုံသွားလာလှုပ်ရှားနေကြသည်။ တစ်နေ့တွင် ‘လောပန်းကြီး’ ဖြစ်ရမည်ဟု အားခဲထားပုံရသည်။ တချို့က သနားစရာပါ၊ မိမိလာရာလမ်း ပျောက်သွားပြီး စမ်းတဝါးဝါး ရှိနေကြ၏။

          ဖါးကန့်ဒေသညရှုခင်းက တီဗွီဖန်သားပြင်တွင် လျှပ်တပြက်ပေါ်လာတတ်သော နိုင်ငံခြားရပ် နယူးယောခ်မြို့ရှုခင်းနှင့် တူလှ၏။ ညမှောင်မှောင်တွင် ပိုးစုန်းကြူးကလေးများ ချစ်သူကိုရှာကြသည့်နှယ်.. မှိတ်တုတ်မှိတ်တုတ်နှင့် ကြည်နူးစရာတမျိုးဖြစ်နေပေသည်။

မြိုခမိစာပေအလုပ်ရုံဆွေးနွေးပွဲ

၂၂.၂.၂၀၁၁ နေ့။

          ဖါးကန့်ဒေသ၊ မြိုခမိနာရေးကူညီမှုအသင်း။ ဂုဏ်ယူစရာအဆောက်အဦးသစ် ‘မှော်စီစာ’ တွင် မြိုခမိစာပေ အလုပ်ရုံဆွေးနွေးပွဲကို ကျင်းပကြသည်။ ဖါးကန့်ဒေသ မှော်အသီးသီးမှ ဖိတ်ကြားထားသော မြိုခမိများ စုံညီစွာ တက်ရောက်ကြသည်။

          သဘာပတိအဖြစ် ဦးအောင်ကျော်စိန်၊ ဦးရန်အောင်နှင့် ဦးကျော်မြတို့ဆောင်ရွက်ကြပြီး အစီစဉ်မှူးမှာ ဦးမျိုးသိန်းထွန်းဖြစ်သည်။ အစီစဉ်အရ သဘာပတိကြီး မိန့်ခွန်းပြောအပြီးတွင် မြိုခမိစာပေအဖွဲ့ဝင် ဆရာထွေးသာဖြူမှ မြိုခမိ စာပေလုပ်ငန်းဖြစ်သော သင်ရိုးရေးဆွဲရေး မှုကြိုကျောင်းစီမံကိန်းနှင့် နွေရာသီသင်ကြားရေးလုပ်ငန်းများကိုလည်းကောင်း၊ ဆရာထင်းအောင်မှ မြိုခမိစာပေ စာရေးနည်းလမ်းညွှန်နှင့် မြိုခမိစာပေ ‘ပဒေသာပင်’ စိုက်ထူရေးစီမံချက်တို့ကို ရှင်းလင်းတင်ပြသည်။

မြိုခမိစာပေ စာရေးနည်းလမ်းညွှန် (Orthography Guidelines)

         

          မြိုခမိစာပေ အက္ခရာများကို မြိုခမိမျိုးနွယ်ခွဲများ၏ ‘ဒေသိယ ’ စကားလုံးများအား အခြေခံပြုလုပ်ထားပါသည်။ မြိုခမိတို့၏ သော့ချက်စကား (Keyword) များကို ဗဟိုပြုမိတ်ဆက်၍ မြိုခမိဖတ်စာ (Primer) ကို ၁၉၉၇ တွင် အသံအနိမ့်အမြင့် သင်္ကေတများ ထည့်၍ ပြုစုထုတ်ဝေခဲ့ပါသည်။

          ထိုစာအုပ်များဖြင့် မြိုခမိများကြားသို့ ကွင်းဆင်းပြီး စမ်းသပ်သင်ကြားကြရာ အသံအနိမ့်အမြင့် ထွက်ဆိုမှု ငြင်းခုံစရာများ ရှိလာပါသည်။ တချို့ကအသံသင်္ကေတများမသုံးဘဲ ဝါကျကိုလိုက်၍ ဖတ်ကြလျှင် အသံမှန်ကို ရရှိနိုင်သည်ဟု ယူဆအကြံပေးကြပါသည်။

          ထို့ကြောင့် ၂၀၀၃၊ မေလတွင် ခရစ်တော်၏အသင်းတော်ဘုရားကျောင်း (ကျောက်တော်) ၌ အသံသင်္ကေတကိစ္စဆွေးနွေးဆုံးဖြတ်ကြပြီး ၂၀၀၄၊ ဇွန်လတွင် စာရေးဆရာသင်တန်း (Writer Workshop) ရန်ကုန်တွင် F.T.L ပညာရှင်များအကူအညီဖြင့် အသံအနိမ့်အမြင့်သင်္ကေတများကို ဖြုတ်၍ ဖတ်စာအုပ် (Primer) အသစ်ကို ပြင်ဆင်ပြုစုခဲ့ကြပါသည်။ ထိုဖတ်စာအုပ်ကို ပြဌာန်း၍ ဆရာဖြစ်သင်တန်း၊ စာရေးဆရာသင်တန်းများပြုလုပ်ကာ သင်ကြားသင်ယူမှုများကို ကျယ်ပြန့််စွာဆောင်ရွက်ခဲ့ကြပါသည်။

          သို့ရာတွင်တချို့စကားလုံးများမှာ စာလုံးပေါင်းတူသော်လည်း အသံအနိမ့်အမြင့်ကွဲပြီး အဓိပ္ပါယ်လည်းကွဲပြားသည်ကိုတွေ့၍ ငြင်းခုံစရာများဖြစ်လာပြန်သည်။ သို့ဖြစ်၍ ၂၀၁၀၊ စက်တင်ဘာလတွင် ပြန်လည်သုံးသပ်ခြင်း (Evaluation) အလုပ်ရုံဆွေးနွေးပွဲ (ရန်ကုန်) ၌ F.T.L မှစာပေပညာရှင်များ၏ အကြံပြုချက်ကုိုယူ၍ ဤစာရေးနည်း (Orthography Guidelines) စာအုပ်ကို ပြင်ဆင်ပြုစုကြပါသည်။

          ဤစာရေးနည်းလမ်းညွှန်သည် ပြီးပြည့်စုံနိုင်မည်မဟုတ်သေးသော်လည်း တစ်စုံတစ်ခုသော အတိုင်းအတာတွင် မိမိတို့ မြိုခမိစာပေရေးသားခြင်း၊ ဖတ်ခြင်း၌  အဆင်ပြေနိုင်လိမ့်မည်ဟုယုံကြည်ပါသည်။

          စာပေဟူသည် ရာပေါင်းများစွာကို ဖြတ်းသန်းအချိန်ယူ၍ လုပ်ဆောင်ရသောလုပ်ငန်းဖြစ်သဖြင့် နောင်တွင် မိမိတို့လူမျိုးထဲမှ စာပေပညာရှင် (Linguist) များမွေးထုတ်၍ ကောင်းသည်ထက်ကောင်းအောင် ပြုပြင်လုပ်ဆောင်နိုင်ကြမည်ဟု မျှော်လင့်ပါသည်။ သို့ဖြစ်၍ ဤလမ်းညွှန်စာအုပ်ကို အသုံးပြုပြီး ရေးသားကြပါ၊ အကြံဥာဏ်များပေးကြပါဟု တိုက်တွန်းလိုက်ရပါသည်။

စာရေးနည်းလမ်းညွှန်ပြုစုရေးအဖွဲ့

မြိုခမိစာပေကော်မတီ

ရှင်သန်သော မြိုခမိစာပေ (living Literature)

          

          လူမျိုးနှင့်စာပေ၊ စာပေနှင့်လူမျိုးသည် တသီးတခြားစီမဟုတ်ကြကုန်။ ခွဲခြား၍မရစကောင်း၊ စကားရှိလျှင် စာရှိရမည်။ စာပေမရှိက လူမျိုးပျောက်မည်။ စာပေမြင့်မှ လူမျိုးတင့်မည်။

          ၁၉၆၇ တွင် လူငယ်များကို ဦးဆောင်၍ ကျောင်းဆရာလှပန်းအောင်က ဆရာဦးထွန်းလှိုင် (ဆန်စက်ပိုင်ရှင် ဦးထွန်းဝင်းညီ) နှင့် မြိုခမိဝေါဟာရများ ကိုစုဆောင်းခဲ့ကြသည်။ ၁၉၇၀ တွင် ဦမောင်နီအောင်၊ ဦးဘအောင် (မီးကျောင်းသိုက်)၊ ဦးစံသာကျော်တို့ကို ဆရာသိပ္ပံဘထွေးက မြန်မာအက္ခရာဖြင့် မြိုခမိစာပေကို တီတွင်ပေးခဲ့သည်။ ၁၉၉၀ တွင် ဆရာဦးဂရောင်ဖုန်နှင့် ဦးစံသာကျော်တို့က မြိုခမိအက္ခရာဗျဉ်းတွဲ၊ သရတွဲများကို ယူလာခဲ့ကြသည်။ သို့သော် အကြောင်းအမျိုးမျိုးကြောင့် ထိုစာများမတွင်ကျယ်ခဲ့ကြပါ။

          ၁၉၉၇ တွင် ပလက်ဝမြို့စာရင်းစစ်မှူး ဦးကျော်သာအောင် စုဆောင်းထားသော “မြိုခမိစာမကုန်” (Keywords) များကို အခြေခံ၍ စာပေပညာရှင် Dr. Kenneth Greggerson က ယခုလက်ရှိမြိုခမိစာပေကို တီတွင်ပေးခဲ့ပါသည်။

          ယခုအခါ ချင်းပြည်နယ်၊ ပလက်ဝမြို့နယ်အပါအဝင် ကျောက်တော်မြို့နယ်၊ ပုဏ္ဏားကျွန်းမြို့နယ်၊ ပေါက်တောမြို့နယ်နှင့် ဘူးသီးတောင်မြို့နယ်များ၌ ကျယ်ပြန့်စွာသင်ကြားသင်ယူမှုများ ပြုလုပ်ကြပါသည်။ ကချင် ဖါးကန့်ဒေသတွင်လည်း တစ်ကြိမ် နှစ်ကြိမ်သင်ကြားပေးခဲ့ပြီးဖြစ်ပါသည်။

          ထို့ကြောင့် ဤနေ့မြိုခမိစာပေသည် ဗုဒ္ဓဘာသာအပါအဝင် ဂိုဏ်းပေါင်းစုံ၊ ဒေသပေါင်းစုံက လက်ခံသင်ယူသော “ရှင်သန်သော အမျိုးသားစာပေ (Living Literature)  ဖြစ်လာပါသည်။

                                                                       ထင်းအောင် (ကျောက်တော်) 

ပြောင်းတင်လမ်းက ဝေဒနာနှင့် အခြားရသစာစုများမှ